Fernandesh qancha muddatga safdan chiqqani ma’lum bo‘ldi

"Manchester Yunayted" yarim himoyachisi va sardori Brunu Fernandesh jarohati sabab uzoq muddatga safdan chiqdi. 31 yoshli portugaliyalik APLning 17-turidan o‘rin olgan "Aston Villa"ga (1:2) qarshi o‘yinda birinchi bo‘lim oxirida jarohat oldi va ikkinchi bo‘limga chiqa olmadi.

The Telegraph nashrining yozishicha, yumshoq to‘qimalaridagi jarohat tufayli Brunu kamida bir oy maydonga tusha olmasligi mumkin.

Eslatib o‘tamiz, xavbek MYu safida sog‘lig‘i tufayli bor-yo‘g‘i ikki marta - 2021/22-yilgi mavsumda bir o‘yinni kasalligi tufayli va 2023/24-yilgi mavsumda ikki o‘yinni tizzasidan olgan jarohati tufayli o‘tkazib yuborgan.

Joriy mavsumda Fernandesh Angliya chempionatining 17 o‘yinida 5 gol va 7 golli uzatmaga mualliflik qilgan.