ФИФА жаҳон чемпионатида энг кўп нафратга учраган терма жамоа номини эълон қилди

ФИФАнинг махсус ҳисоботига кўра, ёзги жаҳон чемпионати давомида энг кўп ҳақорат ва айбловларга дуч келган терма жамоа Аргентина бўлган. Бу рақамлар мусобақани кузатган деярли барча мухлислар сезган вазиятни расман тасдиқлайди.

Бундай муносабатга бир нечта омиллар сабаб бўлгани қайд этилмоқда. Жумладан, кўплаб мухлислар ва мутахассислар ҳакамлар Лионель Мессига нисбатан юмшоқроқ қарорлар чиқаргани ҳақида баҳс юритишди. Шунингдек, аргентиналик футболчиларнинг Испанияга қарши финалда мағлубиятдан сўнгги ҳаракатлари ва майдондан ташқаридаги хулқ-атвори ҳам катта муҳокамаларга сабаб бўлди.

Бундан ташқари, Англияга қарши ярим финалдан кейин Мальвин (Англияда Фолкленд деб аталадиган) ороллари мавзусидаги сиёсий баёнот ҳам жамоага нисбатан танқид ва салбий муносабатни янада кучайтиргани айтилмоқда.

Ҳисобот доирасида сунъий интеллект турли онлайн платформалардаги ўн етти миллиондан ортиқ хабар ва изоҳларни таҳлил қилган. Тадқиқот натижасига кўра, ҳақорат ва камситишга йўйилган энг кўп хабарлар айнан Аргентина терма жамоаси футболчиларига қаратилгани аниқланган, дея хабар беради derbyderbyderby.it сайти.