ФИФА мундиал финалида футбол қоидаларини бузади

ФИФА 2026 йилги жаҳон чемпионати финалида футбол қоидаларидан четга чиқишга тайёр. The Times нашри журналисти Мартин Циглер хабарига кўра, мундиал финалида таймлар орасидаги танаффус одатдагидан анча узоқ – 30 дақиқагача бўлади. 

Бу вақт давомида томошабинларга катта саҳна шоуси намойиш этилиши режалаштирилган.

Жаҳон чемпионати финал баҳси якшанба, 19 июль куни бўлиб ўтади. 

Амалдаги жаҳон чемпиони – Аргентина терма жамоаси. 2022 йилги финалда Лионель Месси бошчилигидаги жамоа Францияни драматик ўйинда мағлуб этган: асосий ва қўшимча вақт 3:3 ҳисобида якунланиб, пенальтилар сериясида аргентиналиклар устун келган эди.