ФИФА УЕФАни туҳматда айблади

Халқаро футбол федерацияси (ФИФА) Европа футбол ассоциациялари иттифоқи (УЕФА)ни ФИФА раҳбариятига қарши бўҳтон кампанияси юритишда айблади. Бу ҳақда The Athletic портали ФИФА баёнотига таяниб хабар берди.

Бундан олдин журналист Роб Харрис УЕФА ФИФА президенти Жанни Инфантинони жиноий жавобгарликка тортиш ташаббусини кўриб чиқаётгани ҳақида маълумот берган эди. Унга кўра, гап жаҳон чемпионати телехуқуқларининг бир қисмини хусусий инвесторларга сотишга уриниш ҳақида бормоқда.

"Ҳужжатлар расман ҳуқуқий шаклда, сарлавҳа ва иш рақамлари билан расмийлаштирилганига қарамай, аслида улар ФИФА ва унинг раҳбариятига қарши УЕФАнинг бўҳтон кампаниясини қўллаб-қувватлашга қаратилган оддий матбуот баёнотларидан бошқа нарса эмас", — дейилади ФИФА баёнотида.

Июль ойида маълум бўлишича, Инфантино ташкилотнинг асосий эркаклар ва аёллар мусобақаларини бошқарувчи алоҳида компания тузишни таклиф қилган. Унинг фикрича, FIFA Forward Enterprise номли тузилма ФИФАга аъзо ассоциациялар даромадини оширишга ва бутун дунё бўйлаб футбол ривожига хизмат қилишга ёрдам бериши мумкин эди. ФИФА ҳисоб-китобларига кўра, ушбу схема орқали 4,2 миллиард долларгача маблағ жалб этиш имкони бор эди.

Бироқ ташаббус футбол раҳбарлари, миллий федерациялар ва қатор бошқа ташкилотлар томонидан кескин танқид қилинди. Жумладан, Инфантино таклифига Союз европейских футбольных ассоциаций (УЕФА), Конфедерация футбола Северной и Центральной Америки и стран Карибского бассейна (КОНКАКАФ), Азиатская конфедерация футбола (AFC) ва Южноамериканская конфедерация футбола (КОНМЕБОЛ) рад жавобини берди. Кейинчалик эса Инфантино режасига Африканская конфедерация футбола, Ассоциация футбола Аргентины ҳамда бир қатор бошқа миллий федерациялар ўз қўллаб-қувватлашини билдирди.