Флик: "Бугун сифатли ўйнадик"

"Барселона" бош мураббийи Ханс-Дитер Флик "Атлетик"га қарши кечган ўйин ҳақида гапирди.

"Бугун жамоам идеал ўйин намойиш этди. Биз ўйинни назорат қилиб,рақибга вазиятлар яратишга имкон бермадик. Энг муҳим вазиятларда голлар уришни уддаладик. Ғалабадан жуда ҳам хурсандман. Рақиб кўпроқ прессинг амалга оширишини олдиндан билгандик ва бунга тайёр эдик. Бугун гол ўтказиб юбормаганимиз учун ҳимоячиларимизга раҳмат айтишимиз керак. Муҳими майдонда ишончли ўйин намойиш этдик", - деди германиялик мутахассис.

Маълумот учун, "кўк-анорранглилар" бугунги ғалабадан сўнг 31 очко билан турнир жадвалида пешқадамликни қўлга олди.