Флик жамоа вингерини қайдномага киритмади

"Барселона" вингери Ансу Фати Испания кубогининг чорак финалидан ўрин олган "Валенсия"га қарши ўйин учун жамоа қайдномасига киритилмади.

Каталонияликлар матбуот хизмати баҳсда иштирок этиши мумкин бўлган футболчилар рўйхатини эълон қилди.

Рўйхатда 22 ёшли Фати йўқ. Бундай ҳолат биринчи марта бўлаётгани йўқ. Аввалроқ, "Барселона" устози Ханс-Дитер Флик футболчини ўз режаларида кўрмаётганини очиқ айтганди.

Жорий мавсумда Фати барча турнирларда 8 та учрашувда майдонга тушди, бироқ, футболчи самарали ҳаракатлар амалга оширмади.