Флик Рафиньяни огоҳлантирди
«Барселона»нинг бразилиялик ҳужумчиси Рафинья 2026/27 йилги мавсумни марказий ҳужумчи сифатида жуда самарали бошлади. Ла Лига ва Чемпионлар лигасида ўтказилган саккиз ўйинда у жами 14 та гол урди ва яна учта голли пас муаллифига айланди.
El Nacional нашри хабарига кўра, жамоа бош мураббийи Ханс-Дитер Флик футболчига Бразилия терма жамоаси сафида майдонга тушганда ўз жисмоний ҳолатига алоҳида эътибор қаратиш кераклигини қатъий тарзда уқтирган. Немис мутахассиси ортиқча юклама ва чарчоқ янги жароҳатга олиб келиши мумкинлигидан хавотирда.
Фликнинг бундай ташвиши бежиз эмас. 2026 йил давомида Рафинья бир неча бор мушаклардаги муаммолар сабаб ўйинларни ўтказиб юборган, жароҳатлар туфайли майдондан четлашган эди.
Шунга қарамасдан, «Барселона» Испания чемпионатини ишончли бошлади. Етти турдан сўнг каталонияликлар 21 очко тўплаб, турнир жадвалида пешқадамликни қўлдан бой бермаяпти.
Фикрлар