Флик Ямалнинг энди қаерда ўйнашини айтди

«Барселона» бош мураббийи Ханс-Дитер Флик жамоа ҳужум чизиғида Ламин Ямалнинг майдондаги ўрни ҳақида фикр билдирди. 

Мураббийнинг таъкидлашича, у ёш вингерни доимий равишда сохта «тўққизинчи рақам» сифатида майдонга туширишни режалаштирмаяпти.

Фликнинг сўзларига кўра, Ямал ўзининг табиий қанотдаги ўйини билан кўпроқ фойда келтира олади. Шу боис, мураббий уни марказий ҳужумчи сифатида эмас, асосан флангларда қўллаш тарафдори.

«Барселона» учун Испания чемпионати 23 август куни старт олади. Шу куни Ханс-Дитер Флик бошқарувидаги жамоа мусобақани «Эльче»га қарши сафар ўйини билан бошлайди.