FR: Qarshida "Surxon"ga "non" yo‘qmi?
Superliganing 5-tur bahslari davom etadi. Sergey Tokov, uzr, Arslanov boshchiligidagi "Surxon" kecha "Nasaf" maydonida mehmon bo‘lib, quruq qo‘l bilan poytaxtga qaytadigan bo‘ldi. Siz uchun "Markaziy"da o‘tgan o‘yinga oid qiziqarli faktlarni yig‘dik:
1) "Nasaf" uzoq muddatlik tanaffusdan keyin o‘z uyida o‘tgan qatorasiga 2 o‘yinni yutdi. Bunaqasi so‘nggi bor 2021 yilgi mavsumda sodir bo‘lgan edi.
2) Bu "Surxon"ning safar o‘yinlaridagi dastlabki mag‘lubiyati hisoblanadi. Termizlik futbolchilar oxirgi bor Yaypanda mehmon bo‘lib, "Turon" bilan durangga erishgandi.
3) Sherzod Nasrullaev 31 uchrashuvlik tanaffusdan keyin yana Superligada to‘p kiritdi. "Ajdarlar" himoyachisining so‘nggi goli 2021 yilning oktyabr oyida "Mash’al" darvozasiga urilgan edi.
4) "Surxon" so‘nggi 1 yilda "Nasaf" darvozasini 2 bor ishg‘ol qilgan 3-jamoaga aylandi (OKMK va "Olimpik"dan keyin).
5) "Nasaf" Temur To‘xtasinov boshqargan o‘yinlarni 2019 yildan beri yutqazmayapti. So‘nggi bor shunday voqea Qo‘qonda ro‘y bergan edi.
6) "Nasaf" XXI asrda "Surxon"ga yutqazgani yo‘q. Termizliklarning o‘zaro o‘yinlardagi yagona g‘alabasi 1999 yilda qo‘lga kiritilgan (3:1).
7) Bu jamoalar Qarshida 13-bor to‘qnash kelishdi. Eng qizig‘i, "Surxon" bu o‘yinlarda bittayam ochko ololgani yo‘q.
Fikrlar