“Front Kick” устасининг навбатдаги рақиби ва жанг санаси маълум бўлди

UFCнинг ярим оғир вазн тоифасининг собиқ чемпиони, таъбир жоиз бўлса, “Front Kick” қиролларидан бири бразилиялик Лиото Мачида ўзининг навбатдаги жангини Фил Девисга қарши ўтказади.

Мазур тўқнашув 11 сентябрь куни “Bellator 245” турнири доирасида бўлиб ўтади. Бу реванш жанги бўлиб, улар дастлаб, 2013 йил “UFC 163” турнирида ўзаро жанг қилишганди. Ўшанда очколар ҳисобига Девис  ғалаба қозонган. 42 ёшли Мачида сўнгги жангини “Bellator 228”да Гегард Мусасига қарши ўтказиб, имкониятни бой бериб қўйганди. Лиото фаолияти мобайнида 26 ғалаба ва 9 мағлубият қайд этган.

Филнинг фаолиятидан эса 22 ғалаба ва 5 мағлубият ўрин олган. Шунингдек, яна бир жанги бекор қилинган.