Футболчи фожиали ҳалок бўлди

Францияда фаолият юритаётган «Генгам» клуби ёшлар жамоаси ҳужумчиси, 21 ёшли Кензо Кис Рона дарёсида ҳалок бўлди. Бу ҳақда нашр RMC Sport хабар берди. 

Маълумотларга кўра, фожиа ўтган дам олиш кунлари сувга тушиш тақиқланган ҳудудда содир бўлган.

Хабарда айтилишича, Кензо Кис икки дўсти билан бирга дарёда чўмилаётган пайтда тахминан соат 17:30 атрофида ҳалокат юз берган. Шифокорлар футболчида мия фаолияти тўхтаганини қайд этган. Лион прокуратураси воқеа сабабларини аниқлаш мақсадида терговни бошлаган.

Кензо Кис Лион шаҳрида туғилган. У аввал «Лион» ва «Сент-Этьен» клубларининг ёшлар таркибида тўп сурган. 

«Генгам» жамоасига эса ўтган йил август ойида қўшилган. Ўтган мавсумда Франциянинг бешинчи дивизионида тўртта ўйинда майдонга тушиб, бир бор гол урган.