Ганада ЖЧ-2026 ўйинига Парти киритилмаганидан сўнг баёнот берилди

Гана терма жамоаси ярим ҳимоячиси Томас Парти Канада ҳудудида ўтадиган жаҳон чемпионати – 2026 учрашувларини виза муаммолари сабаб ўтказиб юбориши мумкин.

Аввалроқ футболчи 18 июнь куни Канадада бўлиб ўтадиган Панамага қарши гуруҳ босқичи учрашувида майдонга туша олмаслиги маълум қилинган эди. Бу қарорга Канада ҳокимияти томонидан футболчини мамлакатга киритишдан бош тортилиши сабаб бўлган. Расмийлар бунга Партига нисбатан жинсий зўравонлик бўйича қўйилган айбловларни асос қилиб кўрсатган. Томас Парти эса бу айбловларни олдинданоқ рад этган.

– Унга айб қўйилган, лекин ҳали суд ҳукми чиқмаган. Гўё жиноят содир этилгани айтилган мамлакатнинг ўзида ҳам у эркин фуқаро сифатида қолмоқда. Канада нима учун қоидаларини шундай талқин қилаётганини тушунмайман: гўё айбловнинг ўзиёқ автоматик равишда айбдорликни англатади, – дея Кофи Адамснинг сўзларини келтиради ESPN.

Эслатиб ўтамиз, ФИФА мезбон давлатларга ўз ҳудудига чет эл фуқароларини киритиш ёки киритмаслик бўйича мустақил қарор қабул қилиш ҳуқуқини тан олган.