Гарбин Мугуруса муваффақиятли старт олди

Мексикада Хотин-қизлар теннис уюшмаси томонидан ташкил этилган халқаро турнирда биринчи давра учрашувлари давом этмоқда.

Унда испаниялик теннисчи Гарбин Мугуруса ва руминиялик Елена Габриэла Рузе ўзаро куч синашди. Кескин ва муросасиз ўтган ўйинда Гарбин 6:4, 7:6 ҳисобида ғалаба қозонди.

Шу тариқа Монтеррей шаҳрида ўтаётган "Abierto GNP Seguros" мусобақасида Мугуруса россиялик Маргарита Гаспарянга қарши кортга чиқадиган бўлди.