Гавини қаттиқ жазолашмоқчи

ФИФА 2026 йилги жаҳон чемпионати финали (1:0) якунлангач, Испания ва Аргентина футболчилари ўртасида юз берган тўқнашув бўйича расмий текширув бошлади.

ФИФА ҳужжатларига кўра, иш Гавининг спортга хос бўлмаган хатти-ҳаракатлари сабаб очилган. Агар айб исботланса, испаниялик ярим ҳимоячи камида бир ўйинга дисквалификация қилиниши мумкин.

Mundo Deportivo нашри ёзишича,  Испания Қироллиги футбол федерацияси (RFEF) аллақачон апелляция устида ишламоқда. Федерация вакилларининг фикрича, Гави қоидани бузмаган, аксинча, Аргентина ярим ҳимоячиси Леандро Паредес томонидан тажовузга учраган. Айни шу вазиятда Паредес уни майдонга йиқитгани таъкидланмоқда.

Можаро Паредес ва Эрик Гарсия ўртасидаги тўқнашувдан кейин бошланган. Аргентина футболчиси Испания ҳимоячисини қаттиқ туртиб юборган, шундан сўнг Гави вазиятга аралашган.

RFEF Гавига нисбатан жазо қўлланмаслиги керак, деган қатъий позицияда. Шунингдек, федерация АҚШ терма жамоаси футболчиси Фоларин Балогун дисквалификациясини тўхтатиб туриш бўйича қабул қилинган қарорни прецедент сифатида келтириб, «Барселона» ўйинчиси учун ҳам шунга ўхшаш ечимга эришишга умид қилмоқда.

ФИФА интизом қўмитаси Аргентина терма жамоаси футболчилари – Леандро Паредес, Науэль Молина, Тьяго Альмада, шунингдек, Дани Ольмога юзига зарба бергани айтилган Аргентина мураббийлар штаби аъзоси Роберто Айяла ҳаракатларини ҳам ўрганмоқда.