German Tkachenko: Agar Eldor shunday o‘ynashda davom etsa...

Ayni damda Evropaning ko‘plab mashhur nashrlari “Yuventus” “Jenoa”dagi o‘zbek o‘g‘loni – Eldor Shomurodovga qiziqib qolgani haqida yozmoqda.

“Match TV” telekanalining Italiya A Seriyasi bo‘yicha eksperti Nobel Arustamyan ham “Yuve”ning Shomurodovga qiziqayotgani haqidagi xabarlarga munosabat bildirdi.

“Kuni kecha, Italiyada transfer oynasi ochildi va yangiliklarda "Yuventus" Eldor Shomurodovga qiziqish bildirayotgani ma’lum qilindi.

Ko‘pchilik ushbu sarlavhalarga hazil bilan munosabatda bo‘ldi, garchi aslida bu erda haqiqat bo‘lsa ham. Italiyadagi har qanday qishki transfer oynasida har doim juda ko‘p nomlar kashf etiladi, ko‘pincha umuman kutilmagan ishlar bo‘ladi. Ayniqsa, hozirgi "Yuve" tarkibida. Yaqinda klub uzoq vaqtdan buyon Xitoyda o‘ynayotgan 35 yoshli Gratsiano Pelle va uning tengdoshi Fernando Lorente yoki undan ham kattaroq va faoliyatini yakunlash arafasida turgan Fabio Kvalyarella bilan bog‘lanib ko‘rdi.

"Yuventus" u yoki bu tarzda haqiqatan ham ularni ko‘rib chiqmoqda. Andrea Pirlo rahbariyat oldiga hujumchi sotib olish vazifasini qo‘ydi. Hozir hujum chizig‘i to‘liq shaklda emas. U erda Ronaldu, Morata, Dibaladan boshqa hech kim yo‘q.

Xo‘sh, Shomurodov haqidagi mish-mishlarga ishonasizmi?

Manba – Tuttosport gazetasi. Afsuski, u Italiyada nufuzli emas, ko‘pincha tekshirilmagan ma’lumotlarni tashlaydi va xatolarga yo‘l qo‘yadi. Boshqa tomondan, bu Turin nashri va u nafaqat "Yuve" atrofida, balki klub ichidagi xabarlardan ham boxabar bo‘lib turadi.

Ajablanarlisi shundaki, Tuttosport birinchilardan bo‘lib 2018 yilning bahorida Ronalduning transferi haqida yozgan.

Mening fikrimcha, hozirda "Yuventus"dagi Shomurodov - bu juda kam ehtimoliy transfer. Sabr qiling va ko‘ring, klub atrofida boshqa ajoyib ismlar paydo bo‘ladi.

Men ProSport Managment kompaniyasi prezidenti German Tkachenko bilan bog‘landim. U "Yuve"ning o‘ziga xos qiziqishi haqida izoh bermadi, ammo hozircha Shomurodov transferga muhtoj emas, deb hisoblaydi. 

Tkachenko xulosa sifatida quyidagi fikrlarni bildirdi: "Agar Eldor shunday o‘ynashda davom etsa, vaqt o‘tishi bilan u albatta Italiyaning katta klubiga o‘tadi".