Герман Ткаченко: Агар Элдор шундай ўйнашда давом этса...

Айни дамда Европанинг кўплаб машҳур нашрлари “Ювентус” “Женоа”даги ўзбек ўғлони – Элдор Шомуродовга қизиқиб қолгани ҳақида ёзмоқда.

“Матч ТВ” телеканалининг Италия А Серияси бўйича эксперти Нобель Арустамян ҳам “Юве”нинг Шомуродовга қизиқаётгани ҳақидаги хабарларга муносабат билдирди.

“Куни кеча, Италияда трансфер ойнаси очилди ва янгиликларда "Ювентус" Элдор Шомуродовга қизиқиш билдираётгани маълум қилинди.

Кўпчилик ушбу сарлавҳаларга ҳазил билан муносабатда бўлди, гарчи аслида бу ерда ҳақиқат бўлса ҳам. Италиядаги ҳар қандай қишки трансфер ойнасида ҳар доим жуда кўп номлар кашф этилади, кўпинча умуман кутилмаган ишлар бўлади. Айниқса, ҳозирги "Юве" таркибида. Яқинда клуб узоқ вақтдан буён Хитойда ўйнаётган 35 ёшли Грациано Пелле ва унинг тенгдоши Фернандо Льоренте ёки ундан ҳам каттароқ ва фаолиятини якунлаш арафасида турган Фабио Квальярелла билан боғланиб кўрди.

"Ювентус" у ёки бу тарзда ҳақиқатан ҳам уларни кўриб чиқмоқда. Андреа Пирло раҳбарият олдига ҳужумчи сотиб олиш вазифасини қўйди. Ҳозир ҳужум чизиғи тўлиқ шаклда эмас. У ерда Роналду, Мората, Дибаладан бошқа ҳеч ким йўқ.

Хўш, Шомуродов ҳақидаги миш-мишларга ишонасизми?

Манба – Tuttosport газетаси. Афсуски, у Италияда нуфузли эмас, кўпинча текширилмаган маълумотларни ташлайди ва хатоларга йўл қўяди. Бошқа томондан, бу Турин нашри ва у нафақат "Юве" атрофида, балки клуб ичидаги хабарлардан ҳам бохабар бўлиб туради.

Ажабланарлиси шундаки, Tuttosport биринчилардан бўлиб 2018 йилнинг баҳорида Роналдунинг трансфери ҳақида ёзган.

Менинг фикримча, ҳозирда "Ювентус"даги Шомуродов - бу жуда кам эҳтимолий трансфер. Сабр қилинг ва кўринг, клуб атрофида бошқа ажойиб исмлар пайдо бўлади.

Мен ProSport Managment компанияси президенти Герман Ткаченко билан боғландим. У "Юве"нинг ўзига хос қизиқиши ҳақида изоҳ бермади, аммо ҳозирча Шомуродов трансферга муҳтож эмас, деб ҳисоблайди. 

Ткаченко хулоса сифатида қуйидаги фикрларни билдирди: "Агар Элдор шундай ўйнашда давом этса, вақт ўтиши билан у албатта Италиянинг катта клубига ўтади".

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Javlon Abdullaev
08/01/2021 22:21
Hali erta
&
998915993686
08/01/2021 21:40
Inshaallah òtadi va òsha Ronadu bn tandem uyushtirib golli paslar xamda gollarni qalashtiradi shu ketishda. Faqat sabr.