Германия ишонган юлдузини йўқотди

Германия терма жамоасининг 26 ёшли ҳимоячиси Нико Шлоттербек жаҳон чемпионатининг қолган қисмини ўтказиб юборади. Бу ҳақда Кот-д’Ивуарга қарши ўйинда (2:1) олган жароҳати ортидан хабар берилди.

Манбаларга кўра, футболчи қўшимча тиббий текширувдан ўтказилган ва унда тиззасидаги ички боғлам узилиши аниқланган. Шифокорлар Шлоттербек тўлиқ тикланишини кутмоқда, бироқ у жорий жаҳон чемпионатининг қолган ўйинларида майдонга туша олмайди.

Эслатиб ўтамиз, "ЧМ-2026" гуруҳ босқичи 2-турида Кот-д’Ивуарга қарши баҳснинг 13-дақиқасида Шлоттербек жароҳат олганди. Шунга қарамай, у оғриқ қолдирувчи дори воситалари ёрдамида тайм охиригача ўйинни давом эттирди. Танаффусдан сўнг унинг ўрнини Антонио Рюдигер эгаллади.

"ЧМ-2026" гуруҳ босқичи 3-турида Германия терма жамоаси 25 июнь куни Эквадорга қарши майдонга тушади.