Германия кубоги. “Бавария” финалда “Штутгарт”ни йирик ҳисобда мағлуб этиб, чемпион бўлди

Германия кубогининг финал учрашуви бўлиб ўтди.

Ҳал қилувчи баҳсда “Бавария” “Штутгарт”ни 3:0 ҳисобида таслим қилди. Учрашув Берлин шаҳридаги “Олимпиаштадион”да бўлиб ўтди.

Мюнхенликлар сафида Xарри Кейн ҳақиқий қаҳрамонга айланди. Англиялик ҳужумчи 55, 80 ва 90+2-дақиқаларда гол киритиб, хет-трик расмийлаштирди.

Шу тариқа, “Бавария” навбатдаги бор Германия кубогини қўлга киритди. Эслатиб ўтамиз, ўтган мавсум мусобақа ғолиби “Штутгарт” бўлган эди.