Гехига янги харидор топилди

"Атлетико Мадрид" "Кристал Пэлас" ҳимоячиси Марк Гехини диққат  билан кузатмоқда. Испания клуби бу трансферга жиддий қизиқиш билдирмоқда.

"Football Espana" нашри берган маълумотга кўра, "матрасчилар" Маркни Хименснинг ўрнига ўринбосари сифатида кўрмоқда. "Атлетико" раҳбарияти англиялик футболчи учун шиддатли бўлишини англамоқда ва уни қўлга киритиш учун барча имкониятларни ишга солишга тайёр. Шу билан бирга Гехига "Ливерпуль", "Бавария" ва "Барселона" клублари ҳам қизиқиш билдирмоқда.

Маркни "Кристал Пэлас" билан амалдаги шартномаси 2026 йилнинг ёзида якунига етади. Унинг ҳозирда "Трансфермаркт" порталидаги нархи 50 миллион еврони ташкил этади.

Маълумот учун, 25 ёшли ҳимоячи жорий мавсум "бургутлар" сафида 20 та учрашувда майдонга тушиб, 1 та гол ва 3 та голли узатмани ўз номига ёздириб қўйди.