Gol urishni Belgiyadan o‘rganing
2026 yildgi jahon chempionati 1/8 final bosqichida AQSh va Belgiya terma jamoalari oʻrtasidagi bellashuv evropaliklarning gʻalabasi bilan yakunlandi.
Uchrashuv AQShning Sietl shahrida joylashgan «Lyumen Fild» stadionida boʻlib oʻtdi. Oʻyinni iordaniyalik hakam Adham Maxadme boshqardi.
Belgiya terma jamoasi mezbonlar uchtidan 4:1 hisobida ishonchli gʻalabaga erishdi.
Uchrashuvning ilk daqiqalaridan tashabbusni qoʻlga olgan belgiyaliklar hisobni ochishga muvaffaq boʻlishdi. Hujumchi Sharl De Ketelare darvozaga aniq zarba yoʻllab, jamoasini oldinga olib chiqdi. Keyinchalik u yana bir gol urib, dublini rasmiylashtirdi. 57-daqiqada esa yarim himoyachi Hans Vanaken raqib darvozasini ishgʻol etib, Belgiya ustunligini yanada mustahkamladi. Oxirgi golni Romelu Lukaku urdi.
Shu tariqa Belgiya terma jamoasi jahon chempionatida uchinchi oʻyindan beri ketma-ket har bir uchrashuvda kamida uchtadan gol urishga erishdi. Bu koʻrsatkich terma jamoa tarixida yangi rekord sifatida qayd etildi.
Endilikda belgiyaliklar 1/4 finalda Ispaniya terma jamoasiga qarshi maydonga tushishadi. Bellashuv 10 iyul kuni AQShning Inglvud shahrida joylashgan «Sou-Fay» stadionida oʻtkazilishi rejalashtirilgan.
Fikrlar