Грилиш “Сити”дан кетади

“Манчестер Сити”нинг 30 ёшли вингери Жек Грилиш фаолиятини “Эвертон”да давом эттиради.

Томонлар футболчининг бир мавсумга қайта ижарага берилиши бўйича келишувга эришган. Бу ҳақда инсайдер Фабрицио Романо ижтимоий тармоқларда хабар берди.

Грилишнинг ўзи ҳам трансферга розилик берган.

Англиялик футболчи ўтган мавсумда ҳам “Эвертон”да ўйнаган. У клуб сафида барча мусобақаларда 22 та учрашув ўтказиб, 2 та гол ва 6 та голли узатма қайд этган.

“Манчестер Сити” Грилишни 2021 йил ёзида “Астон Вилла”дан 100 млн фунт эвазига сотиб олган.

Эслатиб ўтамиз, Европада трансфер ойнаси бугун тунда ёпилади.

Айни пайтда “Эвертон” АПЛ жадвалида икки турдан кейин 4 очко билан 7-ўринда бормоқда.