Гринвуднинг янги клуби маълум бўлди
«Марсель» жамоасида тўп суриб келаётган ярим ҳимоячи Мэйсон Гринвуд яқин кунларда «Фенербахче» сафига қўшилиши кутилмоқда. Бу ҳақда Туркия нашри Fanatik хабар берди.
Манба маълумотларига кўра, Гринвуд Истанбул клубида йилига 11 миллион евро маош олади. Унинг трансфери «Фенербахче»га 45 миллион еврога тушиши режалаштирилган. Шунингдек, шартномада қўшимча 5 миллион евро миқдорида бонус тўловлари ҳам кўзда тутилган, бу маблағ «Марсель»га муайян шартлар бажарилганда ўтади.
Ўтган мавсумда Гринвуд барча мусобақаларни ҳисобга олган ҳолда 45 та ўйинда майдонга тушди. У 26 бор рақиб дарвозасини ишғол этди ва 11 марта жамоадошларига гол уришда ёрдам берди. Transfermarkt портали баҳосига кўра, футболчининг ҳозирги бозор қиймати 55 миллион еврога тенг.
Фикрлар