Gvardiola “Barsa” yulduzini chaqiryapti

“Manchester Siti” qishki transferlar vaqtida maydon markazini kuchaytirishga qaror qildi.

Bu holat jamoa etakchisi Rodri Ernandesning og‘ir jarohat olib, bu mavsum maydonga qayta olmasligi bilan bog‘liq.

Xosep Gvardiola o‘z jamoasida “Barselona” pleymeykeri Frenki de Yongni ko‘rmoqchi. “Shaharliklar” niderlandiyalik o‘yinchi transferini yanvar oyidayoq amalga oshirishni mo‘ljallayapti.

Frenki de Yong 2019 yildan beri “Barselona”da to‘p tepib kelmoqda. Shu paytga qadar u barcha turnirlarda 214 marotaba maydonga tushib, o‘z hisobiga 17 ta gol va 19 ta assist yozdirib qo‘ygan.