Гвардиола “Барса” юлдузини олиб кетмоқчи

“Манчестер Сити” қишки трансферлар вақтида майдон марказини кучайтиришга қарор қилди.

Бу ҳолат жамоа етакчиси Родри Эрнандеснинг оғир жароҳат олиб, бу мавсум майдонга қайта олмаслиги билан боғлиқ.

Хосеп Гвардиола ўз жамоасида “Барселона” плеймейкери Френки де Йонгни кўрмоқчи. “Шаҳарликлар” нидерландиялик ўйинчи трансферини январь ойидаёқ амалга оширишни мўлжаллаяпти.

Френки де Йонг 2019 йилдан бери “Барселона”да тўп тепиб келмоқда. Шу пайтга қадар у барча турнирларда 214 маротаба майдонга тушиб, ўз ҳисобига 17 та гол ва 19 та ассист ёздириб қўйган.