Гвардиола Холандга янги жамоа танлаб берди
“Манчестер Сити” кейинги йиллардаги энг зўр тўпурари Эрлинг Холанд билан амалдаги шартномани 2034 йилнинг ёзигача узайтирган эди.
Бироқ бу норвегиялик тўпурар шартноманинг охиригача Манчестерда қолишини кафолатламайди. Кейинги пайтда 24 ёшли футболчининг номини “Реал” ва “Барселона” каби гранд клублар билан кўп боғлашяпти.
El Nacional нашрининг ёзишича, “Манчестер Сити” бош мураббийи Хосеп Гвардиола бу масалани ўз шогирди билан муҳокама қилган. Испаниялик мутахассис футболчига агар жамоани алмаштиришга тўғри келса, “Реал”га эмас, балки ўзининг собиқ жамоаси “Барселона”га ўтишни маслаҳат берган.
Гвардиола Холандга агар “Барселона”га ўтса, жамоанинг асосий етакчиси ва энг ёрқин юлдузи бўлишини таъкидлаган.
Холанд айни пайтда жароҳатдан кейин тикланиш жараёнини ўтамоқда. Норвегиялик тўпурар жорий мавсумда 40 та учрашувда иштирок этиб, ўз ҳисобига 30 та гол ва тўртта ассист ёздириб қўйган.
Фикрлар