Месси 500 миллион евродан бош тортди, “Реал” Анчелоттига ўринбосар топди – ҳафтанинг асосий янгиликлари билан танишинг.

Месси 500 миллион евродан бош тортди.

Лионель Мессининг ПСЖ билан амалдаги шартномаси 6 ҳафтадан сўнг якунига етади ва унинг келажаги ноаниқлигича қолмоқда. Шу ҳафтада “Ал-Ҳилол” аргентиналик футболчига йилига ақл бовар қилмайдиган 500 миллион евро таклиф қилаётгани маълум бўлди (илгари асосан 400 миллион ҳақида айтилган эди). Бироқ, Месси учун "Барселона"га қайтиш устувор вариант бўлиб қолмоқда. Гап шундаки, каталонияликлар Леонинг қайтишини молиявий томондан таъминлай оладими, чунки клуб ҳали ҳам жиддий қийинчиликларни бошдан кечирмоқда.

ПСЖ Месси, Неймар ва Мбаппе бўйича қарор қабул қилди.

ПСЖ Лионель Месси, Неймар ва Килиан Мбаппенинг қайдномада бўлиши муаммоларни келтириб чиқариши, жумладан, схема ва таркиб танлашда мураббийни қаттиқ ўйлантириб қўйишини тушунган кўринади. Миш-мишларга кўра, Парижда улар икки ҳужумчи юлдуз билан хайрлашишни режалаштирмоқда. Лига 1 гранди мавсум охирида Мессининг кетишини интиқлик билан кутмоқда ва шу билан бирга Неймарни ҳам сотмоқчи. Бразилиялик футболчига Англиядан қизиқиш бордек. ПСЖнинг режаси Мбаппе атрофида жамоа қуриш. Клуб бу ёндашув Килианни ўз сафида сақлаб қолишига умид қилмоқда.

Мадриднинг “Реал” клуби уч нафар энг яхши футболчини ўз сафига қўшиб олмоқчи.

Матбуот "Реал" Мадриднинг ёзги трансфер режалари ҳақида ёзмоқда. Мадридликлар ҳимоячи Альфонсо Девис, ярим ҳимоячи Жуд Беллингем ва ҳужумчи Килиан Мбаппе билан шартнома имзолашни кутмоқда. Агар Беллингем ҳақида гапирадиган бўлсак, "қаймоқранглилар" 19 ёшли футболчи билан шахсий шартнома шартларини келишиб олгани ҳақида маълумот бор. Ҳозирда "Реал" "Боруссия" учун таклиф тайёрламоқда. Аммо Мбаппе учун ҳаммаси мураккаб. Малумотларга кўра, мадридликлар бу келишувга молиявий компонент - ПСЖ ва футболчининг сўровларини инобатга олган ҳолда шубҳа билан қарашган.

Мадриднинг “Реал” клуби Анчелоттига ўринбосар топди.

"Реал" Мадрид яқинда Чемпионлар лигасида аламли мағлубиятга учради - "Манчестер Сити"дан 0:4. Аввалроқ Карло Анчелоттининг Мадрид клубини тарк этиши мумкинлиги ҳақида миш-мишлар тарқалган эди, энди эса италияликга нисбатан босим кучайди. Матбуот хабарларига кўра, "қироллик клуби" келаси ёзда Анчелоттини истеъфога чиқармайди. Флорентино Перес италиялик мутахассисга амалдаги шартномасини бажаришга рухсат бермоқчи. Аммо орадан бир йил ўтиб, рул бошқарувчисини алмаштирмоқчи. Миш-мишларга кўра, "қаймоқранглилар" "Байер"да яхши ишлаётган Хаби Алонсони таклиф қилмоқчи. Ёш испанияликнинг келаси ёзда Леверкузен билан шартномаси тугайди.

                                                                                        Юлдошев Ойбек мақоласи

Фикрлар

Фикр қолдириш учун авторизациядан ўтинг!