Ҳеч кимдан, ҳатто Ямалдан ҳам қўрқмайман!

«Барселона»нинг янги вингери Карим Адейеми жамоадаги рақобат, хусусан, Ламин Ямал билан бир позиция учун кураш ҳақида фикр билдирди.

Ёзда жамоага қўшилган немис футболчиси ҳужум чизиғининг исталган қисмида ўйнай олади. Шу билан бирга, у асосан ўнг қанотда ҳаракат қилади. Бу позицияда эса Ханс-Дитер Флик одатда жамоанинг ёрқин юлдузи Ламин Ямалга ишонади.

- Мен ҳеч бир футболчи билан рақобатдан қўрқмайман. Агар майдонга тушганимда қўлимдан келган барча ишни қилсам, ўзимни кўрсатиш учун имкониятларим бўлишига ишонаман, – деди Адейеми Ламин Ямал билан рақобат ҳақидаги саволга жавоб берар экан, Mundo Deportivo нашрига берган интервьюсида.

«Барселона» Адейемини Дортмунднинг «Боруссия» клубидан 22 миллион евро эвазига сотиб олди. У билан тузилган шартнома 2031 йил ёзига қадар мўлжалланган.