"Сити" ҳимоячисига яхши харидор чиқди

«Ювентус» янги номзодга кўз тикди. Италиянинг машҳур клуби «Ювентус» қишки трансфер ойнасида ҳимоя чизиғини кучайтиришни режалаштирмоқда. 

Турин жамоаси «Манчестер Сити» таркибида тўп сураётган ҳимоячи Райан Аит-Нурини ўз сафига қўшиб олишга қизиқиш билдирган.

Манбаларга кўра, «Ювентус» ёш ҳимоячини қишда ижарага олиш вариантларини ўрганмоқда. Шу билан бирга, клуб раҳбарияти шартномага кейинчалик тўлиқ сотиб олиш имконини берувчи бандни киритишни ҳам истамоқда.

Райан Аит-Нурининг «Манчестер Сити» билан амалдаги шартномаси 2030 йил ёзигача мўлжалланган. У инглиз клубига «Вулверхэмптон» таркибидан ўтган эди.