Humoyun Sultonovdan ishonchli g‘alaba

Andijon shahrida tennis bo‘yicha o‘tkazilayotgan xalqaro turnirda asosiy to‘r bahslarining birinchi davrasi o‘tkazilmoqda.

Unda hamyurtimiz Humoyun Sultonov rossiyalik Igor Shrolik ustidan har ikkala setda bir xil 6:3 hisobida ustun keldi.

Humoyunning navbatdagi raqibi birozdan so‘ng aniqlanadi. Ayni damda musobaqadagi barcha uchrashuvlar yomg‘ir sabab to‘xtatilgan.