Икарди "Интер"дан кетиши лозим

Италиянинг "Интер" клуби мухлислари ҳужумчи Мауро Икарди жамоа сафини тарк этишини сўраб мурожаат қилишди. Аргентиналик форвард сардорлик боғичидан маҳрум этилганидан сўнг узоқ муддат майдонга қайтмади.

Бу борада "нерадзуррилар" устози Лучано Спалетти ҳам футболчининг соғлиғи жойида эканлигини билишини айтган эди. Кеча эса Мауро жамоа машғулотларига қўшилганлиги ҳақида хабарлар чиққан эди.

"Cuva Nording аъзолари бир овоздан №9 нинг хатти-ҳаракатларига ортиқ чидаб бўлмайди деб топишди. Биз уни сардорлик боғичини тақиб юриш учун муносиб эмас деб ҳисоблаймиз. Шу боис биз "Интер"дан Икардини тез орада жамоадан четлатишини сўраймиз. Боиси, мавсум хавф остида", - дейилади мурожаатномада.