Икки клуб катта трансферни келишди

Англиянинг «Арсенал» ва «Ньюкасл Юнайтед» жамоалари бразилиялик яримҳимоячи Бруно Гимарайнсни Лондон клубига сотиб юбориш бўйича келишувга эришди. Бу ҳақда спорт журналисти Фабрицио Романо ижтимоий тармоқда хабар берди.

 -Бруно Гимарайнс «Арсенал»га ўтади! Узоқ музокаралардан сўнг «Ньюкасл» билан тўлиқ келишувга эришилди, футболчининг шахсий шартлари эса яна июль ойидаёқ келишиб олинган эди. Трансфер қиймати — 75 миллион фунт (87,75 миллион евро). Микель Артета учун янги яримҳимоячи, — дея ёзди Романо.

28 ёшли Бруно Гимарайнс 2025/2026 йилги Англия чемпионати мавсумида 29 ўйинда майдонга тушиб, тўққизта гол урди ва бешта голли узатма берди. Шунингдек, у Чемпионлар лигасида еттита учрашувда иштирок этган.