Илёс Зейтуллаев "Бунёдкор" бош мураббийи

Илёс Зейтуллаев “Бунёдкор” бош мураббийи этиб тайинланди, дея хабар бермоқда клубнинг матбуот хизмати. 
 
Ўтган мавсум ушбу жамоанинг мураббийлар штабида иш бошлаган, қисқа вақт ичида мухлислар меҳрини ва ишончини қозонган мутахассис Илёс Зейтуллаев “Бунёдкор” бош мураббийига айланди. 
 
Шу кунларда Бельгияда Про лицензияси курсларида таҳсил олаётган Илёс Бекирович сафар олдидан “қалдирғочлар” билан икки йилга мўлжалланган шартнома бўйича тўлиқ келишувга эришди. Бекирович ва унинг мураббийлар штаби 2025 йилги мавсумда ўз ишларини бошлашади.