Инсайдер Холанднинг кейинги манзилини айтди

«Манчестер Сити»нинг юлдуз ҳужумчиси Эрлинг Холанднинг Испанияга кўчиб ўтиши ҳақидаги миш-мишлар яна кучайди.

Норвегиялик форварднинг амалдаги шартномаси «шаҳарликлар» билан 2034 йилгача мўлжалланган. Шу билан бирга, турли манбаларга кўра, Холанд бу келишувни охиригача бажариши қийин, деган фикрлар тобора кўпроқ айтилмоқда.

«Менимча, Холанднинг кейинги манзили – Испания. Ҳозирча у аниқ қайси жамоага ўтиши номаълум, аммо у Ла Лигада ўйнашни жуда истайди. Эшитганларимдан келиб чиқиб айта оламанки, у барибир эрта-кеч Испанияда пайдо бўлади», – дея таъкидлаган инсайдер Маттео Моретто. Унинг сўзларини Madrid Universal нашри келтиради.

Кутилганидек, Эрлинг Холанд учун жиддий даъвогарлар сони кўп эмас – асосий қизиқишни Мадриднинг «Реал» клуби ва «Барселона» намоён этмоқда. Transfermarkt портали маълумотларига кўра, 26 ёшли ҳужумчининг жорий бозор қиймати 220 миллион евро атрофида баҳоланмоқда.