"Inter" Eriksenga klub topdi

"Inter" yarim himoyachi Kristian Eriksenni ijaraga berishga tayyor. Futbolchi uchun asosiy da’vogar "Tottenxem" bo‘lib turibdi. Bu haqda "Sky Sports" xabar tarqatdi. 

Avvalroq, "neradzurrilar" Eriksenni to‘liq sotib yubormoqchi edi. Endi milanliklar fikrini o‘zgartirdi. "Inter" avvaliga uni ijaraga berib, transfer narxi ko‘tarilganda sotib yubormoqchi. 

Daniyalik havbekning o‘zi ham APLga qaytishga qarshi emas. Sababi uning "A" Seriyadagi faoliyati muvaffaqiyatsiz chiqdi.