Италиянинг “Интер” клуби "Валенсия" ҳимоячиси Эсекиэль Гарайни ўз сафига қўшиб олмоқчи. Аргентиналик футболчи  тез орада жамоани тарк этиши кутилаётган Жейсон Мурильога ўринбосар сифатида қаралмоқда.

SportItalia нашрининг тарқатаётган хабарларига қараганда, “Интер” 30 ёшли футболчини ўз таркибига қўшиб олиш учун молиявий жиҳатдан етарли қувватга эга эмас. Шунингдек, “нерадзуррилар” футболчи учун курашда “Ювентус”ни ҳам ортда қолдиришлари лозим бўлади.

Қайд этиш лозим, аргентиналик футболчининг айни кундаги трансфер нархи 25 миллион еврога баҳоланмоқда.