"Inter" Garayni o‘z tarkibiga qo‘shib olmoqchi

Italiyaning “Inter” klubi "Valensiya" himoyachisi Esekiel Garayni o‘z safiga qo‘shib olmoqchi. Argentinalik futbolchi  tez orada jamoani tark etishi kutilayotgan Jeyson Muriloga o‘rinbosar sifatida qaralmoqda.

SportItalia nashrining tarqatayotgan xabarlariga qaraganda, “Inter” 30 yoshli futbolchini o‘z tarkibiga qo‘shib olish uchun moliyaviy jihatdan etarli quvvatga ega emas. Shuningdek, “neradzurrilar” futbolchi uchun kurashda “Yuventus”ni ham ortda qoldirishlari lozim bo‘ladi.

Qayd etish lozim, argentinalik futbolchining ayni kundagi transfer narxi 25 million evroga baholanmoqda.