ПСЖ форварди Эдинсон Кавани яна Италия А Сериясига қайтиши мумкин.

Журналист Жанлуки Ди Марционинг хабар беришича, 33 ёшли уругвайлик футболчининг хизматларига “Интер”да қизиқиш пайдо бўлган. “Нерадзуррилар” аллақачон бу борада унинг агенти билан музокараларни бошлаб юборган.

Агар “Интер” кўзлаётган асосий ҳужумчи – Дрис Мертенс “Наполи” билан шартномасини узайтирса, у ҳолда айнан бор эътибор Каванига қаратилади.

Айтиш керакки, Эдинсоннинг парижликлар билан амалдаги шартномаси ёзда ўз ниҳоясига етади ва у янги жамоасига эркин агент сифатида бориб қўшилади. У жорий мавсум Франция чемпионатида 14 та ўйинда майдонга тушди ва ўз ҳисобига 4 та гол ҳамда 2 та голли узатма ёздириб қўйишга эришди.