"Интер" янги бош мураббийини таништирди

Италиянинг "Интер" клуби янги бош мураббийи сифатида руминиялик мутахассис Кристиан Кивуни тайинлади. Милан клуби матбуот хизматида хабар беришича, собиқ ҳимоячи билан 2027 йил ёзигача мўлжалланган шартнома имзоланган.

Кристиан Киву 2007 йилдан 2014 йилгача футболчи сифатида "Интер" сафида тўп сурган ва фаолиятини якунлаган. 44 ёшли мутахассис мураббийлик фаолиятини "Интер"нинг ёшлар жамоаларида бошлаган, 2025 йилнинг февралидан июнигача эса Италия "Парма" клубининг бош мураббийи бўлган.

У "Интер"да бош мураббий лавозимида Симоне Индзагини алмаштирди. Икки марта клубни УЕФА Чемпионлар Лигаси финалига олиб чиққан италиялик мутахассис фаолиятини Саудия Арабистони чемпионатининг "Ал-Ҳилол" клубида давом эттиради.