Ислам Махачев: "Порье ҳақиқий афсона!"

UFC енгил вазн тоифаси чемпиони Ислам Махачев Дастин Порьега ҳурмат кўрсатди.

Унинг фикрича, Дастин бу жангга жуда яхши тайёргарлик кўрган.

"Менимча, Дастин ажойиб жанг ўтказди. Унинг мураббийларига қойил қолиш керак. Порье "портер"дан яхшигина ҳимояланди ва мени кўпроқ ишлашга ундади. Дастин ММА спортининг ҳақиқий афсонаси. Барчаси учун раҳмат, чемпион", - деди енгил вазн тоифаси чемпиони.

Маълумот ўрнида, кеча Нью-Жерсида ўтган "UFC 302" турнири марказий жангида Ислам Махачев Дастин Порьени бешинчи раундда "гильотина" услуби орқали бўғиб қўйди ва камарини муносиб ҳимоя қилди.