Ислам Махачевми ёки Жек Маддалена?
Америкалик UFC жангчиси Кёртис Блейдс ярим ўрта вазн (77 кг) тоифасида бўлиб ўтадиган чемпионлик жанги — австралиялик Жек Делла Маддалена ва россиялик Ислам Махачев ўртасидаги баҳс ҳақида ўз фикрларини билдирди.
“Мен Маддаленанинг фақат сўнгги иккита жангини кузатдим. Гарчи у UFC да 8 ғалабали серия қайд этаётган бўлса-да, бўлажак баҳсда устунликни Исломга бераман. Чунки унинг қийинчиликларни қандай енгиб ўтишини кўрганман. У доим энг юқори даражани намойиш этади”, — деди Блейдс журналист Жеймс Линчга берган интервьюсида.
Эслатиб ўтамиз, Делла Маддалена ва Махачев қарама-қаршилиги 16 ноябрь куни АҚШнинг Нью-Йорк шаҳрида бўлиб ўтади.
Фикрлар