Ислом Махачев фаолиятини якунлайди, агар...
Ҳаммаси жангчининг онасига боғлиқ!
Вазн тоифасидан қатъи назар, дунёнинг биринчи рақамли UFC жангчиси Ислом Махачев профессионал фаолиятини қачон тугатишини айтди.
"Карьерамни якунлаш – уйда кўтариладиган энг оғриқли мавзу. Доим онам билан шу бўйича суҳбатлашаман. Ҳозирча у менга қатъий шарт қўймади, бироқ яқинда: "Мен Хабиб билан учрашмоқчиман, у билан гаплашиб олишимиз керак," деди. Ҳали онам ва Нурмагомедовни учраштирмадим, лекин суҳбат мавзусини тушундим. Албатта, агар онам тўғридан-тўғри талаб қилиб, масалани кўндаланг қўйса, ҳа - мен фаолиятимни тугатаман", - деди россиялик жангчи Мурод Алискеровга берган интервьюсида.
Эслатиб ўтамиз, Ислом Махачев 15 август куни Филаделфияда ўтказиладиган "UFC 330" турнирида октагонга қайтиши кутилмоқда. У билан жанг қилиш учун асосий номзод дивизионнинг биринчи рақамли вакили, ирландиялик Иан Мачадо Гарри бўлиб турибди. Бироқ бу ҳозирча расман тасдиғини топмаган.
Изоҳлар (0)