Islom Maxachev Kolbi Kovingtonga muxlislik qiladimi?

Engil vazn (70,3 kg) toifasida UFC chempioni Islom Maxachev (24-1) yarim o‘rta vazn (77,1 kg) toifasida amaldagi UFC chempioni Leon Edvards (21-3-1NC) va raqibi Kolbi Kovington (17-3) o‘rtasidagi bo‘lajak jang haqida fikr bildirdi.

“Umid qilamanki, Kovington g‘alaba qozonadi, chunki Leon hech qachon men bilan jang qilish haqida gapirmagan. Men hech qachon Edvardsning men bilan jang qilmoqchi ekanligini aytganini eshitmaganman. Men Kolbi buni xohlashini aniq bilaman. Shuning uchun men Kovingtonning g‘alaba qozonishini xohlayman. Shunchaki, kelajakda jang qilishimiz mumkin.

Bu yaxshi jang bo‘ladi, u ajoyib jang qiladi. Bu AQSh va Dog‘iston o‘rtasidagi qarama-qarshilik bo‘ladi. Kovington yaxshi jangchi. U yaxshi kurash mahoratiga ega va yaxshi jismoniy holatga ega. Lekin men uni engib, undan ko‘proq zarba bera olaman”, — deya Maxachevning so‘zlarini keltirmoqda MMA Fighting.

Eslatib o‘tamiz, Edvards va Kovington o‘rtasidagi jang 16 dekabr kuni “UFC 296” turnirida bo‘lib o‘tadi.