Ислом Махачевни қандай енгиш мумкин?

Россиялик аралаш яккакураш устаси Эдуард Вартанян ярим ўрта вазнда UFC чемпиони Ислом Махачевни мағлуб этиш учун нима зарурлигини айтди.

“Мен буни илгари ҳам айтганман... Махачевни енгиш учун, биринчидан, унинг етакчи оёғини ортга суриш керак, иккинчидан, узун комбинациялар билан ишлаш ва унинг ҳужумга ўтишига йўл қўймаслик лозим”, – деди Вартанян "Generation Lunch" You Tube каналига берган интервьюсида.

Маълумот учун, Ислом Махачев 2022 йилда UFC нинг енгил вазн тоифасида (70 кг) чемпиони бўлди ва шундан сўнг тўрт бор камарини ҳимоя қилди.