Испан грандлари Манчестердаги юлдузни текинга олмоқчи

Аргентиналик марказий ҳимоячи Лисандро Мартинес мавсум якунлангач «Манчестер Юнайтед» клубини тарк этиши мумкин. Бу ҳақда ижтимоий тармоқларда инсайдер Экрем Конур хабар тарқатди.

Журналист маълумотига кўра, футболчига Испаниянинг Ла Лига чемпионатида иштирок этувчи икки етакчи жамоа жиддий қизиқиш билдирмоқда. Аргентинага «Барселона» ва «Атлетико» даъвогар сифатида кўрилмоқда.

 Мартинес эркин агент сифатида кетиши эҳтимоли катта, чунки «Манчестер Юнайтед» унинг шартномасини узайтириш имкониятидан фойдаланмаслиги кутилмоқда.

28 ёшли ҳимоячи «Манчестер Юнайтед» сафида 2022 йил ёзидан буён тўп сурмоқда. Transfermarkt портали маълумотларига кўра, футболчининг бозор қиймати 45 миллион евро атрофида баҳоланган.