Испания - Италия ўзаро учрашувлар тарихи
Бугун тунда "Евро-2024" турнири "Б" гуруҳидан ўрин олган Испания ҳамда Италия терма жамоалари ўртасидаги ўйин бўлиб ўтади.
Биз эътиборингизга икки терманинг ўзаро учрашувлар тарихига назар соламиз.
Евроклассикаси дея ном олган ушбу тўқнашув ўзаро Евро, Конфедерациялар Кубоги, Жаҳон чемпионати саралаш босқичларида, Олимпиада ўйинлари ва Миллатлар лигаси доирасида дуч келишган.
1934 йилги Италиядаги Жаҳон чемпионати
Испания терма жамоаси саралаш босқичида Португалияни мағлуб этганидан кейин Жаҳон чемпионатида дебют қилди. Хосе Ирарагорри, Исидро Лангара, Луис Регейро ва Рикардо Замора каби футбочилар билан жамоани ташкил қилишди. Биринчи расмий ўйин Бразилияга қарши кечган ва унда 3:1 ҳисобида ғалаба қозонган. Чорак финалда мезбонларга қарши ўйинда Регейро ҳисобни очди, танаффусга қадар Феррари ҳисобни тенглаштирди. Ўйин дуранг билан якунлангач, эртаси куни иккинчи баҳс ўтказилди ва унда Жузеппе Меацца яккама-якка вазиятдан гол уриб жамоасини финалга олиб чиқган. Финалда Италия Австрияни мағлуб этиб Жаҳон чемпионига айланган.
1920 йил Антверпен Олипия ўйинлари
Олимпия ўйинлари чорак финалида Италия ва Испания терма жамоалари тўқнаш келди ва Сесумаганинг дубли эвазига "қизил фурия" кейинги босқичга йўл олди. Финалда Испания Нидерландияга қарши баҳсда 3:1 ҳисобида мағлуб бўлиб, Олимпиада кумуш медалларига эга чиқди.
"Евро-1980", Италия
Испания ва Италия "Б" гуруҳидан жой олди. "Жузеппе Мецца"даги ўзаро учрашувда ҳисоби очилмаган. Ўшанда Испания Англия ва Белгияга мағлуб бўлиб гуруҳ босқичдан ўта олмаганди. Италия эса ярим финалда Бельгияга мағлуб бўлди ва учинчи ўрин учун курашда Чехославакияга пенальтилар сериясида имкониятни бой бериб қўйганди.
"Евро-1988". Германия
Ушбу мусобақада ҳам Испания ва Италия бир гуруҳдан жой олди. Ўзаро ўйинда Италия 1:0 ҳисобида ғалаба қозонган. Испания бу турнирда ҳам гуруҳ босқичидан ўта олмаган. Италия эса ярим финалгача етби борган. Финал учун баҳсда Италия СССРга мағлуб бўлган.
Жаҳон чемпионати-1994. АҚШ
Мазкур турнирда икки терма жамоа чорак финалда тўқнаш келган ва унда Италия 2:1 ҳисобида ғалаба қозонган. Финалгача етиб борган Италия Бразилияга имкониятни бой берган ва кумуш медалларга эга чиққан.
"Евро-2008". Австрия-Швейцария
Испания ва Италия ушбу турнирда чорак финалда тўқнаш келган ва унда пенальтилар сериясида "қизил фурия" ғалаба қозонган. Ўшанда Испания финалгача етиб борган ва якуний ўйинда Фернандо Торреснинг голи эвазига Германияни мағлуб этиб мусобақа ғолибига айланганди.
"Евро-2012". Украина-Польша
2008 йилда Еврони, 2010 йилда Жаҳон чемпионатида ғалаба қозонган Испания терма жамоаси 2012 йилда ҳам Евро мусобақаси ғолибига айланган. Висенте Дель Боске шогирдлари финалда Италияни 4:0 ҳисобида мағлубиятга учратган. Финалгача икки терма жамоа гуруҳ босқичда ҳам тўқнаш келганди ва унда 1:1 ҳисоби қайд этилганди.
"Конфедерациялар Кубоги-2013". Рио
Испания ва Италия мазкур турнир ярим финалида тўқнаш келган ва унда Дель Боске шогирдлари пенальтилар сериясида ғалаба қозонган. Испания финалда Бразилияга Неймарнинг хет-триги эвазига 3:0 ҳисобида мағлуб бўлган.
"Евро-2016". Франция
Франция яшил майдонларида ўтказилган мусабақада Испания ва Италия нимчорак финалда тўқнаш келди ва унда "скаудра адзаурра" 2:0 ҳисобида ғалаба қозонган. Ўшанда Италия чорак финалла Германияга пенальтилар сериясида мағлуб бўлиб уйига қайтганди.
"Жаҳон чемпионати-2018". Саралаш босқичи
Россия мундиали саралашида Испания ва Италия "G" гуруҳидан жой олди. Дастлабки ўйинда 1:1 ҳисобида дуранг қайд этилган бўлса, жавоб учрашувида "қизил фурия" 3:0 ҳисобида ғалаба қозонган.
"Евро-2020"
Испания ва Италия терма жамоалари ушбу мусобақанинг ярим финалида тўқнаш келган. Ушбу ўйинда ғолиб пенальтилар сериясида аниқланган ва унда Италия ғалаба қозонган. Ўшанда Италия финалда Англияни пенальтилар сериясига кўра мағлуб этиб кубокга эга чиқганди.
"Миллатлар лигаси-2021"
Мазкур турнирда Италия ва Испания ярим финалда тўқнаш келган ва унда "қизил фурия" 2:1 ҳисобида ғалаба қозонганди. Голларни Италиядан Пеллегрини ва Испаниядан Ферран Торрес (дубль) киритган.
"Миллатлар лигаси-2023"
Ушбу турнрида Испания ва Италия ярим финалда тўқгаш келган ва унда 2:1 ҳисобида Испания ғалаба қозонган. Иммобиленинг голига испанлар Пино ва Хоселунинг голлари билан жавоб қайтарди. Турнир якунида Италия учинчи ўрин учун курашда Нидерландияни мағлуб этган ва Испания финалда Хорватияни пенальтилар сериясига кўра мағлуб этиб кубок эгасига айланган.
Бугунги кенга келиб Испания ва Италия "Евро-2024" турнири "Б" гуруҳидан ўрин олган ва иккинчи турда ўзаро тўқнаш келади. Учрашув бугун Тошкент вақти билан 00:00 да старт олади.
Акмал Эшбоев тайёрлади
Фикрлар