Испания плей-офф олдидан икки юлдузидан айрилди

Жаҳон чемпионатининг гуруҳ босқичи сўнгги турида Испания терма жамоаси Уругвайга қарши баҳсда минимал ҳисобда ғалаба қозонди. 

Учрашув Баэнанинг ягона голи эвазига 1:0 ҳисобида якунланди.

Marca нашри хабар беришича, беллашув якунлангач, Испания терма жамоасининг икки футболчиси билан боғлиқ муаммолар юзага келгани маълум бўлди. 

«Қизил фурия» ярим ҳимоячилари Нико Уильямс ва Йереми Пино ушбу ўйинда жароҳат олган.

- Уларни диққат билан кузатамиз. Никода ноқулайлик бор. Бу мушак жароҳати ёки чарчоқ билан боғлиқ бўлиши мумкин, – деди жамоа бош мураббийи Луис де ла Фуэнте.

Испания терма жамоаси гуруҳда биринчи ўринни эгаллаб, жаҳон чемпионати 1/16 финал босқичига йўл олди.