Испания Холандни қандай қилиб ёпди?

Испания терма жамоаси ҳимоячиси Дани Карвахаль Европа чемпионати-2024 саралаш босқичи доирасида Норвегия терма жамоаси устидан қозонилган ғалаба ҳақида гапирди. Мазкур баҳсда "Қизил фурия" 1:0 ҳисобида ғалаба қозонди.

"Ҳимояда ихчам ўйнашга ҳаракат қилдик. Эрлинг Холандга тўпни бемалол қабул қилмасликка ҳаракат қилдик. Аъло даражада ҳаракат қилган марказий ҳимоячиларимизнинг ўйинини алоҳида таъкидлаш керак", - дея ўнг қанот мудофаа вакилининг сўзларини келтаради "Teledeporte" нашри.

Маълумот учун, кечаги ғалаба эвазига Испания терма жамоаси 2024-йилги Европа чемпионати йўлланмасини кафолатлади. Саралаш якунланишига икки тур қолганида Луис Де ла Фуэнте шогирдлари ўз гуруҳида 15 очко билан пешқадамлик қилмоқда.