Жаҳон чемпионати. Бугун бир нафар вакиламиз татамига кўтарилади

Венгрия пойтахти Будапешт шаҳри мезбонлик қилаётган дзюдо бўйича катталар ўртасидаги жаҳон чемпионати ўз экваторидан ўтди. 

Дунё биринчилигининг олтинчи кунги баҳсларига ҳам етиб келдик. Бугун аёллар ўртасида -78, эркакларда эса -100 кг вазн тоифасида беллашувлар ташкил этилади. Дзюдочиларимиздан биргина Маржона Кўчимова ўз омадини синаб кўради. Терма жамоамиз вакиласи илк даврада кубалик Лианет Кардонага қарши татамига чиқади.  

-78 кг: Маржона Кўчимова – Лианет Кардона (Куба)

Маълумот учун, бугунги саралаш дастури бизнинг вақт билан соат 14:30 да бошланади. Бу ҳақда Ўзбекистон дзюдо федерацияси матбуот хизмати хабар бермоқда.