Jahon chempionati. O‘zbekiston TOP 10 talikda!

Peru poytaxti Lima shahri mezbonlik qilayotgan dzyudo bo‘yicha yoshlar o‘rtasidagi jahon chempionatining yakkalik bahslari yakuniga etdi. 

Musobaqaning so‘nggi kuni og‘ir vazn toifasida g‘olib va sovrindorlar aniqlandi va quvonarlisi, 3 nafar dzyudochimiz jahon chempionati medallariga ega chiqishdi. Umida Nig‘matova (+78 kg) finalga qadar mag‘lubiyatsiz etib borib, kumush medal qo‘lga kiritdi. Alisher Samanov (-90 kg) va Muhammadali Zoirov (-100 kg) terma jamoamizga bronza medallarini taqdim etishdi. 

Shu tariqa, O‘zbekiston yoshlar terma jamoasi jahon chempionatini 1 ta kumush, 5 ta bronza medali bilan umumjamoa hisobida 65 davlat orasida 10-o‘rinda yakunladi. Yaponiya terma jamoasi 5 ta oltin, 4 ta kumush, 4 ta bronza medali bilan kutilganidek, bu borada birinchi o‘rinni egalladi. Kuchli uchlikdan Braziliya va IJF jamoalari joy oldi. 

Kumush medal:
+78 kg: Umida Nig‘matova

Bronza medallar:
-48 kg: Laziza Haydarova 
-60 kg: Samariddin Qo‘chqorov 
-81 kg: Samariddin Muxibiddinov 
-90 kg: Alisher Samanov
-100 kg: Muhammadali Zoirov

Bu haqda O‘zbekiston dzyudo federatsiyasi matbuot xizmati xabao bermoqda.