Жаҳон чемпионати U20. Биз осон гуруҳга тушдикми?

Хабарингиз бор, Равшан Ҳайдаров бошчилигидаги Ўзбекистон U20 терма жамоамиз Аргентина мезбонлик қиладиган Жаҳон чемпионатининг финал босқичида иштирок этади. Қуръа натижаларига кўра, Ўзбекистонлик ёш футболчилар А гуруҳидан ўрин эгаллади.

Жамоамизга гуруҳда мезбон Аргентина, Янги Зеландия ва Гватемала қаршилик кўрсатади. Хўш, рақибларимиз ҳақида нималарни биламиз? Бугун, ўзбек халқининг меҳрини қозонган йигитларимизнинг Жанубий Америка қитъасида ўтадиган мундиалдаги рақиблари билан қисқача танишамиз.

Рақиблар ҳақида:

Аргентина – Мундиалсиз қолган фаворит

Хавьер Маскерано бошчилигидаги Аргентина Индонезея  мезбонлик қилиши кутилган ЖЧ саралашида кутилмаганда омадсизликка учради. Саралаш ўйинларида 5 жамоа мавжуд гуруҳда 4 поғона билан чегараланган “Албаселесте” якунда мундиалсиз қолишга маҳкум эди, бироқ мезбонлик жамоага иккинчи ҳаётни тақдим этди. ЖЧ йўлида Бразилиядан 1:3, Колумбиядан 0:1, Парагвайдан 1:2 ҳисобида енгилган жамоа Перуни минимал ҳисобда мағлубиятга учратди. Шунга қарамай, Индонезиянинг мундиални қабул қилишдан бош тортгани улар учун улар яна “ўйинда”.

Янги Зеландия – Ўз минтақасида тенгсиз

Бу жамоа фуболчилари ўзининг жисмоний тайёргарлиги билан бемалол мақтаниши мумкин. Ўз қитъаси биринчилиги давомида дарвозасидан бирорта гол ўтказиб юбормай чемпионликни тантана қилган Янги Зеландия мундиалда ҳам шов-шув кўтариши мумкинлиги ҳақида хориж нашрлари бот-бот ёзишмоқда. Катта эҳтимол, айнан улар Ўзбекистон терма жамоасининг плей-офф йўлланмаси учун асосий рақибига айланади.

Гватемала – Шимолнинг 3 жамоаси

Эътиборлиси шундаки, Гватемал Шимолий Америкада ўтказилган У20 чемпионатининг ҳақиқий мўжизасига айланган терма сифатида Мундиалга ташриф буюрмоқда. Чорак финал баҳсида чемпионликка асосий даъвогар саналган – Мексикани пеналтилар сериясида мусобақадан чиқариб юборган Рафа Лореду шогирдлари ярим финалда Доминиканлик тенгқурларига имкониятни бой бериб қўйди. Шунга қарамай, Аргентинага чипта олиш ҳуқуқи уларда бор.

Гуруҳ ўйинлари қайси саналарда бўлиб ўтади?

Биринчи тур:

20 май.

Аргентина – Ўзбекистон

Гватемала – Янги Зеландия

23 май.

Аргентина – Гватемала

Янги Зеландия – Ўзбекистон

26 май.

Янги Зеландия – Аргентина

Ўзбекистон – Гватемала

Осон гуруҳга тушдикми?

Дарҳақиқат, қуръа биз учун омадли келди. Агар саватчалардаги жамоаларнинг номларига эътибор берсак, буни тан олмасликнинг имкони йўқ. Масалан, иккинчи саватчада бизни квартетдан ўрин эгаллаган Янги Зеландия ўрнида : Бразилия, Эквадор, Англия ёки Колумбия бўлиши мумкин эди. Боз устига, футбол услуби ва жисмоний ҳолати борасида биз учун ноқулай бўлган Африка қитъаси вакиллари билан гуруҳ босқичида тўқнаш келмаймиз.

Рақибларимизнинг ўйин услуби, танлаган стратегияси Ҳайдаровнинг иккинчи рақамда ҳаракатланувчи агрессив қарши ҳужуми учун айни муддао. Майдон эгаллари бир қарашда қўрқинчли кўрингани билан, саралаш ўйинларида жуда бўш ҳаракат қилди. Нимадир ўзгартириш учун эса, вақт уларда жуда оз.

Шу боис, Аргентина кўринганидек яққол фаворит эмас. Ваҳоланки, биринчи саватчада Италия, Франция, Сенегал, Уругвай сингари кучли рақиблар билан бир гуруҳдан жой олишимиз ҳам мумкин эди. Бу ёшда айнан шу термалар жаҳон чемпионлиги учун асосий даъвогар саналади. Ўйлашимча, қуръа ҳар томондан бизни йигитларга қўл келди.

Мусобақа регламенти қандай?

6 гуруҳга 4 жамоадан бўлинган холда 24 та терма мундиал олтин медаллари учун курашга қўшилади. Гуруҳларда биринчи ва иккинчи ўринни эгаллаган термалар тўғридан-тўғри ЖЧ йўлланмасига эга чиқса, 6 гуруҳдаги энг яхши 4 та учинчи ўрин эгаси ҳам плей-офф да иштирок этиш ҳуқуқини қўлга киритади. Бир қарашда кейинги босқичга чиқиш осондек кўриниши мумкин, аммо 3-ўрин билан чиққан термаларни гуруҳида ғолиб бўлган кучли рақиблар кутиб олади.

Рақибларнинг ўйин услуби, имкониятлари, асосий футболчилари ва бошқа кўплаб муҳим маълумотларни тақдим этишни бошлаймиз. SPORTS.uz сайтини кузатишда давом этинг.

Я . У