Jahongir Zokirov prof boksdagi ikkinchi jangida ham raqibini ezib tashladi!

Xabar berib o‘tganimizdek, og‘ir vazn toifasidagi vakilimiz Jahongir Zokirov “Zuffa Boxing”da debut jangini o‘tkazdi. 

Bokschimiz amerikalik Zachari Spillerga qarshi ringga ko‘tarildi. 5 ta jang o‘tkazib, hali mag‘lubiyat alamini totib ko‘rmagan, okean orti vakili Zokirovning og‘ir zarbalariga dosh bera olmadi. 6 raund qilib belgilangan jang 2-raundda texnik nokaut bilan yakunlandi.

Shu tariqa Jahongir professional boksdagi ikkinchi jangida ham ishonchli g‘alabani qo‘lga kiritdi. Bu haqida O‘zbekiston boks federatsiyasi xabar bermoqda.