ЖЧ-2026 финали Испания — Аргентина кўчирилиши мумкин

2026 йилги жаҳон чемпионати финал баҳси ўтказилиши режалаштирилган жой ўзгариши мумкин. Испания ва Аргентина терма жамоалари ўртасидаги ҳал қилувчи ўйин Канададаги ўрмон ёнғинлари сабабли кўчирилиши эҳтимоли бор.

Маълумотларга кўра, ёнғинлардан кўтарилаётган қалин тутун аллақачон АҚШнинг шимолий штатларига, жумладан Нью-Джерсигача етиб келган. Шунинг оқибатида MLS лигасидаги «Чикаго Файр» – «Ванкувер Уайткэпс» учрашуви бекор қилинди. ЖЧ–2026 финали Испания – Аргентина ўйини 19 июлдан 20 июлга ўтар кечаси Нью-Джерси штатидаги Ист-Ратерфорд шаҳрида жойлашган MetLife Stadium аренасида бўлиб ўтиши режалаштирилган.

Мусобақа тақвими ўзгариши эҳтимоли паст деб баҳоланаётганига қарамай, бундай сценарий бутунлай инкор этилмаяпти. ФИФА вакиллари таъкидлашича, агар ҳаводаги ифлосланиш даражаси футболчилар ва томошабинлар соғлиғи учун хавф туғдирса, ўйин ўтказиш режасига тегишли ўзгартишлар киритилиши мумкин.

Эслатиб ўтамиз, Аргентина терма жамоаси амалдаги жаҳон чемпиони ҳисобланади.