ЖЧ-2026 финалида аргентиналиклар испаниялик мухлислардан анча кўп бўлади

Аргентина терма жамоаси мухлисларининг тахминан 50 минг нафари Нью‑Йорк атрофига етиб келди. Улар жамоани Испанияга қарши жаҳон чемпионати финалида қўллаб‑қувватлаш учун тўпланмоқда.

Бу мухлисларнинг катта қисми тўғридан‑тўғри Аргентинадан учиб келмаган. Улар орасида АҚШда доимий яшайдиган аргентиналиклар ҳам бор. Шу билан бирга, йиғилганларнинг ҳаммаси ҳам стадионга кира олмайди: аренанинг сиғими чекланган, ўйинни жонли томоша қилишни истаганлар сони эса мавжуд чипталардан анча кўп.

Аргентиналик фанатлар оқими ярим финалда Англияга қарши ўйиндан (2:1) сўнгоққошёқ сезилди. Атлантада бўлиб ўтган ўша баҳсдан кейин кўплаб мухлислар Нью‑Йорк томон йўл олгани сабабли, минтақада қисқа муддатли автомобиль ижараси хизматларида машина танқислиги кузатилгани хабар қилинди.

ОАВ маълумотларига кўра, шаҳарда ҳам, стадион атрофида ҳам аргентиналик мухлислар сони испан фанатларидан анча устун бўлиши кутилмоқда.

Жаҳон чемпионати‑2026 финал баҳси Испания — Аргентина 19 июль куни Ист‑Ратерфорддаги «Метлайф» стадионида ўтказилади. Ўйин бошланиши Тошкент вақти билан соат 00:00 га белгиланган.